FAMPIASANA NY TEKNOLOJIA VAOVAO AMIN’NY FAHASALAMANA ENY IFOTONY

TOROLALANA HO AN’NY MPAMPIOFANA

Fampidirana

Natao ho fanampin’ny tahirin-kevitra hampiofanana ny AC, CSB, SDSP mikasika ny fampiasana ny teknolojia vaovao ho amin’ny fahasalamana eny ifotony ity torolalana ity. Afaka ampiasain’ny mpampiofana raha hampiofana AC sy CSB, afaka ampiasain’ny Sefo CSB ihany koa raha sendra hampanao famerenana na hanampy AC amin’ny fampiasana ny CommCare.

Voambolana

Fiofanana amin’ny teny malagasy no hatao, noho izany, misy voambolana tsara hizarana manokana rehefa hampita ny fiofanana mikasika ny fampiasana ny CommCare. Isan’izany ireto voambolana manaraka ireto:

  • Fisy: “Formulaire” amin’ny teny vahiny. Raha miditra ao anaty CommCare ka mahita lohahevitra iray izay mila fenoina raha hidirana, dia iny zavatra fenoina iny no atao hoe fisy.

  • Lohahevitra: “Module” amin’ny teny vahiny. Raha miditra ao anaty CommCare, dia hahita modules na lohahevitra maro ny mpampiasa izay mifandray amin’ireo karazana asa mety ho fanaony.

  • Pendesina - Mipendy: “Cliquer” na “Tap” amin’ny teny vahiny. Toy io no hilazana ny fomba fikitihina ny “écran” raha toa ka kitihina kely indray mandeha tsy maharitra.

  • Données mobiles na hoe Données: marika famantarana fa mandeha ny fifandraisana amin’ny alalan’ny aterineto.

  • Bokotra: Entina hilazana ny “bouton” mety hita ao anaty CommCare.

Fampidirana mikasika ny hetsika ara-teknolojika

Zavakinendry sy votoatiny

Aorian’ity taranja ity ny mpiofana tsirairay dia ho afaka manazava the antony nametrahana ny hetsika ara-teknolojika mampiasa ny CommCare sy mitanisa ireo mpiara-miombon’antoka mandray anjara amin’izany. Hita ao anatin’ity taranja ity ireo tanjona tiana ho tratrarina amin’ny fametrahana ny hetsika sy ireo mpiara-miombon’antoka.

Faharetany

30mn

Fizotry ny fampianarana

Famelabelarana fohy, fandefasana horonantsary mikasika ny hetsika.

Ny tanjon’ny hetsika ara-teknolojika mampiasa ny CommCare

Maninona no napetraka ny hetsika ara-teknolojika mampiasa ny CommCare?

Napetraka ny hetsika ara-teknolojika mampiasa ny CommCare mba:

Hanatsarana ny kalitaon’ny asa sy hanamorana ny fandraisana an-tanana ataon’ireo mpanentana ara-pahasalamana

Nampidirina ao anaty CommCare ny lohahahevitra momba ny SBE mba hanaovana tatitra eo ho eo ny tranga misy eny amin’ny fiarahamonina ka ahafahana mandray fanampahan-kevitra ara-potoana. Efa misy torolalana ka tsy manao kajikajy intsony fa miseho ho azy ireo dingana tokony hatao sy ny valiny mifandraika amin’ny zavatra hita.

Hanatsarana ny kalitaon’ny tatitra

Manatsara ny kalitaon’ny tatitra ihany koa ny CommCare satria: manafoana ny diso eo am-pamenoana azy (misy menamena miseho mampilaza vantany vao manoratra diso izy ka mila ovaina); tsy mivezivezy ny mpanentana ara-pahasalamana fa mandefa izany tatitra izany fotsiny amin’ny alalan’ny CommCare; tonga dia hitan’ireo mpanao tantsoroka – Sefo CSB, Ministera, tetikasa – ny tatitra alefa.

Mahomby ve ny CommCare?

Efa maro ireo mpanentana ara-pahasalamana sy ny CSB mampiasa CommCare, ary afa-po izy ireo. Tsara lavitra ny kalitaon’ny asan’ireo mpanentana ara-pahasalamana mampiasa ny CommCare, mahatsiaro ho maivana kokoa izy ireo amin’ny asany, ary haingana kokoa dia hita ny tatitra. Miaraka miasa hatrany ny Ministera sy ireo mpiara-miombon’antoka aminy amin’ny fanatsarana ny votoatiny mba hifanaraka amin’ny tena filàn’ny mpanentana ara-pahasalamana.

Iza avy ireo mpampiasa ny CommCare?

Ankehitriny dia ny Sefo CSB sy ny mpanentana ara-pahasalamana (AC) ary ny eny anivon’ny Distrika no mampiasa ny CommCare.

Ireo mpiara-miombon’antoka

Iza avy ireo mpiara-miombon’antoka miara-miasa hametraka ny hetsika?

Ireo mpiara-miombon’antoka miara-miasa hametraka the hetsika dia:

  • Ny Ministeran’ny fahasalamam-bahoaka: tompon’ny hetsika, ka mitarika ny fametrahana azy mifanaraka amin’ny tokony ho izy sy miaraka amin’ireo rafitra hiadidiany.

  • Ny mpanentana ara-pahasalamana, Sefo CSB sy ny Distrika: mpampiasa ny fitaovana.

  • Ny tetikasa sy ny mpampiofana: Manome tanana ny Ministeran’ny fahasalamam-bahoaka amin’ny fanaparitahana ny hetsika (lafiny ara-teknika, fiofanana, ara-bola).

  • Ireo hafa: mpanome tambazotran-tserasera, ahazoan’ny mpampiasa ireo “puces” sy fahana ampiasainy.

Fanehoana ankapobeny ny fampiasana ny CommCare

Zavakinendry sy votoatiny

Aorian’ity taranja ity ny mpiofana tsirairay dia ho afaka manazava ny fanehoana ankapobeny ny fiasan’i CommCare. Hita anatin’ity taranja ity ny fomba fiasan’ny CommCare, ny fomba fidirana amin’ny CommCare, ireo karazana bokotra telo raha vao tafiditra anaty CommCare sy ireo fiasany avy, ireo lohahevitra hita anaty CommCare.

Faharetany

1 ora 45 mn

Fizotry ny fampianarana

Tosa-kevitra, famelabelarana fohy, fampiharana, fampisehoana.

Ny fomba fiasan’ny CommCare

Ahoana ny fiasan’ny CommCare?

 ../_images/image1.png

Mampiasa CommCare ny AC, Sefo CSB ary ny Distrika rehefa manao ny asany.

  • Mandrindra amin’ny serveur izy ireo rehefa vita izany mba hampitana ny asa vita (1)

  • Tonga any amin’ny Ministera sy ireo mpiara-miombon’antoka ny asa vita eny ifotony (2)

  • Manao domberina na fanovana amin’ny application ireo mpampiasa ka mandefa izany amin’ny serveur (3)

  • Voarain’ny mpampiasa eny ifotony ireo domberina sy fanovana natao rehefa mandrindra amin’ny serveur izy ireo (4)

Ahoana ny fidirana amin’ny CommCare?

Rehefa tonga eo amin’ny pejy fandraisana amin’ny finday ka mahita ireo application maro dia mahita ny sarikely famantarana an’i CommCare. Ilay sarikely misy olona efatra mifandray tanana io.

 ../_images/image2.png

Rehefa hita ny sary famantarana the CommCare dia pendesina mba hidirana ao.

Ahoana ny fampidirana ny anaran’ny mpampiasa sy teny miafina anaty CommCare?

Ahoana ny fampidirana ny anaran’ny mpampiasa sy teny miafina anaty CommCare?

Mba hahafahana miasa ao anaty CommCare dia tsy maintsy mampiditra ny mikasika ny mpampiasa ny CommCare: Anaran’ny mpampiasa sy ny teny miafina.

Anaran’ny mpampiasa: ac.rasoa.0007 (izany hoe “ac” dia “anarana” dia “isa efatra”; mifanelanelana teboka ireo).

Teny miafina: 12345

** Mipetaka ao ambadiky ny finday ny anaran’ny mpampiasa sy teny miafina ho an’ny tsirairay, tokony ho tadidiana sy ho hay tsianjery izy ireo satria isaky ny hiasa ao amin’ny CommCare dia tsy maintsy mampiditra azy ireo.

../_images/image3.png

Rehefa avy mampiditra ny anaran’ny mpampiasa sy ny teny miafina dia mipendy ny « Hiditra » amin’izay.

Inona no mety hipoitra rehefa avy mipendy ny “Hiditra”?

Inona no mety hipoitra rehefa avy mipendy ny “Hiditra”?

Tranga roa (2) no mety hiseho rehefa avy mampiditra ny anaran’ny mpampiasa sy ny teny miafina ka mipendy ny Hiditra.

  • Tafiditra soa aman-tsara ao anatin’ny application hiasana ny mpampiasa.

    ../_images/image4.png

  • Misy soratra menamena mipoitra eo ambanin’ny teny miafina mampahafantatra ny antony tsy nahatafiditra tao amin’ny application.

    Misy diso ny teny miafina na ny anaran’ny mpampiasa.

    ../_images/image5.png

    Mba hialan’io dia mila averina ampidirina ny anaran’ny mpampiasa na ny teny miafina ka atao mitovy tsy misy diso amin’izay misoratra ao ambadiky ny finday, dia mipendy ny « Hiditra » avy eo.

  • Misy soratra hoe tsy mety hifandraisina ny serveur. Hamarino fa mifandray amin’ny tambazotra ianao.

    ../_images/image6.png

    Mba hialan’io dia velomina mialoha ny données ka averina ampidirina ny anaran’ny mpampiasa sy ny teny miafina tsy misy diso dia mipendy ny Hiditra.

Ireo karazana bokotra telo hita raha vao tafiditra amin’ny CommCare sy ireo fiasany avy

Inona avy ireo karazana bokotra hita eo amin’ny pejy fandraisan’ny CommCare?

Misy bokotra karazany telo (3) hita rehefa tafiditra ao anaty CommCare:

../_images/image7.png

  • Bokotra maitso “Hanomboka” (1): pendesina rehefa hanomboka hiasa ka te hahita ireo karazana lohahevitra hiasana.

  • Bokotra manga “Handrindra amin’ny serveur” (2): pendesina isaky ny avy miasa ao amin’ny CommCare ka nampiditra tahirin-kevitra na nameno tatitra mba handefasana izany any amin’ny serveur.

  • Bokotra volon-davenona “Tapaho ny fifandraisan’i CommCare” (3): pendesina rehefa hiala ao amin’ny CommCare. Atao izany mba tsy hahalany fotsiny ny Méga ary hialana amin’ny tranga samihafa toy ny hoe voakitika ny tahirin-kevitra anaty CommCare satria voatsindry tsy nahy ny finday.

Inona no antony hipendesina ny bokotra “Handrindra amin’ny serveur”?

Ny asa sy tatitra natao ao amin’ny CommCare manko dia voatahiry anaty finday aloha. Ny fandrindrana any amin’ny serveur no mampita azy ireo ho any amin’ny tompon’andraikitra isan-tsokajiny (toy ny Sefo CSB, ny Ministeran’ny fahasalamam-bahoaka, na ny tetikasa mpiara-miombon’antoka). Ankoatr’izay, miantoka the fahazahoana domberina avy any amin’ny Sefo CSB makany amin’ny AC, CSB manankany amin’ny distrika ihany koa ny fanaovana fandrindrana amin’ny serveur satria ny asa dia ampitaina amin’ny alalan’ny tambazotra internet ka mila mandeha ny données an’ilay mpampiasa ary mila manana mega ihany koa izy.

Raha tsara ny internet amin’ny toerana misy ny mpampiasa dia mandeha ho azy ny fandrindrana amin’ny serveur. Mila mizatra mamaky ny soratra kely eo ambanin’ny bokotra manga ny mpampiasa satria iny no mampahafantatra ny mikasika ny fandrindrana.

Inona no mety hiseho eo ambanin’ny bokotra “Handrindra amin’ny serveur”?

Soratra karazany efatra (4) no mety hita eo:

../_images/image8.png

“Fotoana farany nandrindrana miaraka amin’ny serveur”: mampahafantatra ny daty sy ora nanaovana fandrindrana farany (ka nahomby ilay fandrindrana); tokony tsy ho efa ela ny daty misoratra eo, raha toa ka izay no miseho dia tsy maintsy mandrindra satria ny asa rehetra izay natao tao anatin’izay fotoana tsy nadrindrana izay dia mbola voatahiry ao anaty finday fa tsy mbola lasa any amin’ny tompon’andraikitra.

../_images/image9.png

“Fisy tsy mbola lasa (isa mihoatra ny 0)”: misy fisy tsy mbola lasa any amin’ny serveur ka tokony hanao fandrindrana mba tsy hahavery ireo fisy ireo.

../_images/image10.png

Nahomby ny fandrindrana! Mety hiseho rehefa avy nandrindra tamin’ny serveur ka nahomby izany.

../_images/image11.png

Tsy mety ifandraisana ny serveur. Mety hiseho rehefa avy nandrindra tamin’ny serveur ka TSY nahomby izany. Antony 3 no mety tsy hampahomby ny fandrindrana amin’ny serveur natao:

  • Tsy mandeha ny données

  • Lany ny Méga (Mo)

  • Ratsy ny kalitaon’ny réseau / tsy misy réseau eo amin’ilay toerana hanaovana fandrindrana

Mialoha ny hanaovana fandrindrana dia tokony manamarina aloha ny mpampiasa hoe mahafeno ny fepetra mampahomby ny fandrindrana ve izy.

Mety maka fotoana elaela ny fandrindrana amin’ny serveur arakaraky ny habetsaky ny fisy mbola tsy lasa sy ny kalitaon’ny réseau eo @ toerana misy ny mpampiasa. Na dia elaela aza anefa izany dia tsy tokony hipendy ny « STOP » mihitsy satria vao maika hampaela azy izany.

Inona no fampiasana ny teboka telo eo amin’ny ambony ankavanan’ny pejy?

 ../_images/image12.png

Raha pendesina the teboka telo eo ambony ankavanana dia ireto avy no mbola afaka atao:

  • Hanavao ny CommCare: pendesina raha toa ka nisy fanovana nataon’ireo mpikirakira ny CommCare (MSANP, Dimagi, tetikasa) ka misy endrika vaovaon’ny CommCare navoaka (nouvelle version) izay mila ampidirina amin’ny findain’ny mpampiasa.

    *** Tsy tsindriana io raha tsy mahazo toromarika manokana avy amin’ny tompon’andraikitra.

  • Fisy voatahiry: ampiasaina rehefa hijery ny asa natao tao anaty CommCare ka handika izany amin’ny rejistra taratasy.

  • Hanova teny: Azo ampiasaina amin’ny teny anglisy, frantsay ary Malagasy ny CommCare - ka miditra ao amin’ny “hanova teny” raha toa ka te hanova izany.

  • Antsipirian’ny CommCare: Indraindray mila fantarina ny “version” CommCare hananan’ny mpampiasa iray raha sanatria tojo olana izy.

Ireo lohahevitra SBE hita anaty CommCare

Inona avy ireo lohahevitra SBE ao anaty CommCare?

  • Ao anaty CommCare izay ampiasain’ny mpanentana ara-pahasalamana dia misy lohahevitra “fitsirihina”

  • Ao anaty CommCare izay ampiasain’ny sefo CSB dia misy lohahevitra “fanivanana(sivana) sy fanamarinana”

  • Ao anaty CommCare izay ampiasain’ny distrika dia misy lohahevitra “tombana”

Ireo karazana fikiràna atao ao anaty CommCare

Inona avy ireo karazana fikiràna azo atao ao anaty CommCare?

  • Manoratra

  • Maka sary (capture d’écran)

  • Mandefa SMS avy ao amin’ny CommCare

  • Mijery horonantsary (vidéo)

Ahoana no atao rehefa hanoratra?

Tahaka ny fomba fanoratana rehefa mandefa hafatra na SMS amin’ny finday ihany ny fomba fanoratana ao anaty CommCare. Rehefa hanoratra dia mila pendesina eo amin’izay faritra tiana hanoratana. Hiseho ho azy eo ny “clavier” na fanoratana misy ny ABCD rehetra avy eo. Safidiana izay litera na isa tiana soratana. Rehefa mameno fisy ao anaty CommCare ka mila manoratra valim-panontaniana misesy maromaro: Afaka pendesina ny sarikely “flèche” mitodika miankavanana dia tonga dia mikisaka eo amin’ny fanontaniana manaraka.

Afaka hialana ny “clavier” mba hahitana ny fanontaniana manaraka.

Rahoviana ary ahoana no mandefa SMS avy ao amin’ny CommCare?

Afaka mandefa SMS izay feno ho azy ny mpanentana ara-pahasalamana rehefa nanao fitsirihana.

Fomba Fandefasana SMS avy ao amin’ny CommCare:

Rehefa avy manao fitsirihana dia tonga mipoitra avy hatrany ny soratra hoe « Handefa SMS ». Tonga dia efa voasoratra ho azy ny laharan’ny olona handefasana ny SMS sy ny vatan’ny SMS ho alefa, tsy misy mila ovaina intsony fa avy hatrany dia alefa.

Rehefa lasa ny SMS dia tsy maintsy miverina ao amin’ny CommCare milaza na lasa na tsia ny SMS ary mamarana ny famenoana ny fisy amin’ny alalan’ny fanindriana ny “TAPITRA”.

Fitsirihina

Zavakinendry sy votoatiny

Aorian’ity taranja ity ny mpiofana tsirairay dia ho afaka manantanteraka ny fanaovana fitsirihana tranga amin’ny alalan’ny CommCare. Hita anatin’ity taranja ity ny famenoana ny fisy fanairana.

Faharetany

1 ora 30 min

Fizotry ny fampianarana

Famelabelarana fohy, fampiharana

Famenoana fisy Fitsirihina

../_images/image13.png

1) Ny ahitana ny fitsirihina ao anaty CommCare

Maro ireo lohahevitra hita ao anaty CommCare fampiasan’ny AC ka ny lohahevitra “andrimaso aram-pahasalamana” no pendesina rehefa hanao “fitsirihina”. Misy bokotra telo miseho avy eo ka pendesina ny “andrimaso aram-pahasalamana”. Mba hahafahana manao fitsirihina dia pendesina ny anaran’ny vohitra izay iandraiketan’ilay AC izay vao miseho ny bokotra ny “fitsirihina”.

../_images/image14.png

2) Ireo dingana arahina rehefa hameno ny fisy ny fitsirihina

Rehefa voapendy ny bokotra “Fitsirihina” dia miseho eo avokoa ireo lisitra ny tranga izay tokony anaovana fitsirihina. Tsy manoratra intsony fa misafidy tranga iray ilay mpanao fitsirihana.

Rehefa voasafidy ilay tranga dia miroso ka fenoina the fisy hamaritana momba ilay tranga hita izay atao:

  • Ny daty nisehoana sy ny nahitana ilay tranga,

  • Ny famaritana ireo toerana izay nitrangany,

  • Ny filazana ny isan’ireo voakasika sy ny isan’ireo maty noho io tranga io.

../_images/image15.png

NB: Tsy maintsy pendesina ny “tapitra” mba hitehirizina ny fitsirihana izay natao ao anaty CommCare.

Mba hahitan’ny mpanaramaso (sefo CSB,…) ny fitsirihina ny tranga izay notanterina dia mandrindra ny mpanentana ara-pahasalamana.

Sivana sy fanamarinana

Fanivanana (Triage)

../_images/image16.png

Rehefa nameno fisy ny fitsirihina ny AC ka nandefa izany tamin’ny alalan’ny fandrindrana ary nandrindra ihany koa ny sefo CSB dia tonga ao amin’ny CommCare izay ampiasain’ny sefo CSB ny fitsirihina izay nataony.

Misy ihany koa ny SMS izay efa voasoratra ho azy izay alefa any amin’ny sefo CSB eo no ho eo.

Misy lohahevitra maro ao amin’ny CommCare ampiasain’ny sefo CSB ka ao anaty “surveillance communautaire” no ahitana ny fitsirihina izay nataon’ny AC. Ao amin’ny bokotra «triage et vérification» no ahitana izany.

 ../_images/image17.png

Rehefa avy nipendy ilay bokotra triage et verification dia miseho eo avokoa ny lisitra ireo fitsirihina izay nalefan’ny AC eo ambany fanarahamason’ilay sefo CSB. Pendesina izay hanaovana sivana ka valiana ireo fanontaniana izay apetrakany.

 ../_images/image18.png

Afaka atao ny mijery the tranga ao anaty lisitra izay hanaovana fanivanana sy fanamarinana. Mety ho maro anefa ireo tranga ao anaty lisitra izay notanterin’ny mpanentana ara-pahasalamana ka ho lany fotoana hijery tsirairay ilay tranga. Noho izany pendesina ny «sotrokely» (ilay sary loupe ery ambony ankavanana) dia soratana eo ny daty, ny toerana nahitana na nisehoan’ilay tranga.

 ../_images/image19.png

Raha mbola tsy vita ny sivana sy/na ny fanamarinana dia misy “non” ny tsanganana tandrify izany. Rehefa vita kosa izany dia hiova “oui”.

../_images/image20.png

Fanamarinana

Vérification

../_images/image21.png

Manao fanamarinana

Rehefa vita ny fanaovana sivana ilay tranga vao afaka manao fanamarinana. Aorian’ny fanamarinana dia mandrindra sady afaka mandefa SMS izay efa voasoratra ho azy eny amin’ny distrika ny sefo CSB mba ho fampahafantarana azy ireo ny zavamisy.

../_images/image22.png

Evaluation/tombana

Evaluation

Rehefa vita sivana sady voamarina teo anivon’ny CSB ny tranga izay notanterin’ny mpanentana ara-pahasalamana dia alefa eny anivon’ny distrika izany mba hanaovana “tombana”. Mamaly ireo fanontaniana izay hita ao anaty CommCare fotsiny ireo, arakaraky ny zavatra mitranga ka avoakan’ny CommCare eo no ho eo ny vokatry ny tombana mamaritra ny haavon’ny loza (niveau de risque) / fiatriakan’ny tranga amin’ny fahasalamam-bahoaka.

Rehefa vita ny fanaovana tombana dia afaka mandefa SMS any amin’ny ambaratonga ambony ihany koa ho fampahafantarana azy ireo ny zavamisy.

../_images/image23.png